اوعى تمسك الخشب ((( ادينى بقولك اهوه )))

السلام عليكم و رحماته و بركاته

كتير من الناس فى مجتمعنا بيقول الجملة دى ( امسك الخشب )
اّل ايه عشان يدارى العين

بس للأسف الجملة دى معناها خطير جدا و خصوصا كلمة " الخشب "

و هتعرفوا خطورتها لما تقرأوا الرسالة التى كتبها شخص مصرى مسلم

" كنت فى حوار مع زميلة انجليزية
وبعدين باقول لها : الشغل هادى النهارده
قالت لى : تاتش وود ( امسك الخشب )
وطبعا العبارة دى هم بيرددوها كتير زينا
بس هى سألتنى: انتم عندكم اكيد بتقولوا حاجه بدلها
قلت لها: لأ.. بنقولها هيه هيه
قالت لى : بتقولوا امسك الخشب برضه ؟
قلت لها: آه...
قالت: المسلمين بيقولوا (امسك الخشب)؟؟؟؟ معقوله؟؟؟؟
استغربت انها مستغربة أوى كده...
قالت لى: أصل الخشب ده المقصود بيه الصليب..خشب الصليب... "

فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة المسلمين الصحيحة
لأنه لا يحمي الإنسان إلا الله ولا يمنع الضرر إلا الله ولا ينفع إلا الله
فإي شئ مادي أو غيبي ( سوى الله ) يتم الاستغاثة به كخشب أو حجاب أو تعليق كف أو حدوة حصان أو الاحتماء بقبر أحد الصالحين ، كل هذا يعتبر شرك بالله

فيجب الاستغاثة والاستعاذة بالله
كما قال عز الله وجل فى كتابه العزيز' فالله خيرٌ حافظاً وهو أرحم الراحمين ' . صدق الله العظيم