دق الـحـب بــابــى

دق يوم الحب بابي .....سألته انته مين؟؟؟؟

قالي انا الحب ومكتوب زي القدر علي الجبين

قولت ياتري بيك هكون سعيدة ولا حزينة

انا عمري مجربتك بس شفت المجروحين

خايفة لما اطاوعك ابقي معاهم واعيش حزينة

قالي جربى وشوفى يمكن اكون

سبب سعدك وفرحك وبيا تكونى

عاشقة وتبقي زي تيمور وشفيقه بنت ميمون

قولتله كمان بتعرف تهزر اخاف اجربك وابقي

زي اللي شفتهم طول الليل سهرانين

وفي الاخر ابقي زيهم من المجانين

انا عمري مجربتك واخاف بيك اكون

زي اللي قبلي واعيش عمري حزينة

وانا عارفة ان المكتوب علي الجبين لازم تشوفه العين

سيبني واللي ربنا عايزه هوا اللى هيكون

يمكن اقابل واحد ويغيرني ويخليني اشوف الكون

جنه علي الارض وبيه اكون مجنونة

ومش ممكن اعيش من غيره ومن غيره مش هكون

سيبها لله واللي ربنا عايزه هوا اللى هيكون